Texas හි රාජ්‍ය සේවකයින්ට Shein, Alibaba වැනි චීන යෙදුම් තහනම්

ඇමරිකාවේ ටෙක්සාස් ප්‍රාන්ත ආණ්ඩුව, චීනයට අයත් හෝ චීන සම්බන්ධතා ඇති සමාගම් කිහිපයක hardware සහ software භාවිතය රාජ්‍ය සේවකයින් සඳහා තහනම් කිරීමට තීරණය කර ඇත. මෙම තීරණය ටෙක්සාස් ප්‍රාන්ත ආණ්ඩුකාර Greg Abbott විසින් නිවේදනය කළ අතර, එය “ටෙක්සාස් ජනතාවගේ පුද්ගලිකත්වය ආරක්ෂා කිරීම” සඳහා ගත් පියවරක් බව සඳහන් කර තිබේ. මෙම තහනම යටතට ඇතුළත් සමාගම් අතර Shein, Alibaba, Temu, TP-Link, CATL, Autel (drone නිෂ්පාදකයෙකු) සහ iFlyTek (AI සමාගමක්) වැනි නාමයන් ඇතුළත් වේ. මෙම සමාගම්වල නිෂ්පාදිත භෞතික උපාංග, කෘත්‍රිම බුද්ධි සේවාවන් සහ software යෙදුම් රාජ්‍යයට අයත් උපාංග හා ජාල මත භාවිතා කිරීම මෙම නියෝගය මගින් සීමා කෙරේ.

මෙය එක් ප්‍රාන්තයක පමණක් නොව, ඇමරිකාවේ විවිධ ප්‍රාන්ත සහ ආයතන විසින් චීන සම්බන්ධතා ඇති තාක්ෂණික සමාගම් පිළිබඳ ආරක්ෂක සැකයන් හේතුවෙන් ගන්නා මාලාවේ නවතම එකක් ලෙස සැලකේ. විශේෂයෙන්ම data privacy, cybersecurity සහ state infrastructure ආරක්ෂාව පිළිබඳ උත්සුකතාව මෙවැනි තීරණ වලට හේතුවක් වෙයි. මෙම තීරණය චීනය සහ ඇමරිකාව අතර දිගු කාලයක් පවතින තාක්ෂණික සහ වෙළඳ තරඟකාරීත්වයේ තවත් ප්‍රකාශයක් ලෙස ද සැලකිය හැක.  නමුත් මෙම සමාගම්වලින් කිසිවක් තවමත් මේ සම්බන්ධයෙන් නිල ප්‍රතිචාරයක් ලබා දී නොමැත