X ජාලයෙහි Algorithm එක සැමට විවෘත වේ
Elon Muskට අයත් සමාජ මාධ්ය වේදිකාව වන X (පැරණි Twitter) තමන් භාවිතා කරන නවතම algorithm එක සම්පූර්ණයෙන්ම open source කිරීමට තීරණය කර ඇති බව Musk විසින් නිවේදනය කර ඇත. ඔහු සඳහන් කර ඇති පරිදි, ඉදිරි දින 7ක් ඇතුළත X හි organic posts සහ paid advertisements (ads) recommend කරන algorithm එකට අදාළ සම්පූර්ණ codes ජනතාවට විවෘත කරනු ඇත. එමෙන්ම, මෙම ක්රියාවලිය සෑම සති 4කට වරක්ම නැවත සිදු කරන බවත්, algorithm එකේ සිදු වූ වෙනස්කම් developers ලට තේරුම් ගන්න පුළුවන් ලෙස විස්තරාත්මක developer notes ද ලබා දෙන බවත් Musk පැවසීය.
ඇයි මේ තීරණය වැදගත් වෙන්නේ?
X සමාගම පසුගිය කාලය පුරාවට algorithm transparency සම්බන්ධයෙන් දැඩි විවේචන සහ නීතිමය පීඩන වලට මුහුණ දී ඇත. විශේෂයෙන්ම යුරෝපීය සංගමයේ Digital Services Act (DSA) නීති උල්ලංඝනය කිරීමේ චෝදනා යටතේ, X සමාගමට තම algorithm ක්රියාකාරීත්වය පිළිබඳ ප්රමාණවත් පැහැදිලි කිරීමක් ලබා නොදුන් බවට EU (European Union) නියාමකයින් චෝදනා කර තිබේ. මෙහි ප්රතිඵලයක් ලෙස, 2025 වසරේදී EU විසින් X සමාගමට යුරෝ 120 මිලියන (ඇමරිකානු ඩොලර් 140 මිලියනට ආසන්න) දඩයක් නියම කරන ලදී. එමෙන්ම algorithm bias, නීතිවිරෝධී අන්තර්ගත පැතිරීම සහ පර්යේෂකයින්ට දත්ත ප්රවේශය සීමා කිරීම වැනි කරුණු සම්බන්ධයෙන් විවිධ පරීක්ෂණද ආරම්භ කර ඇත. ඊට අමතරව, 2025 ජූලි මාසයේදී ප්රංශයේ Paris නගරයේ අධිකරණ බලධාරීන් විසින් X සමාගමේ algorithm ක්රියාකාරීත්වය සම්බන්ධයෙන් criminal investigation එකක් ආරම්භ කර තිබීමද මෙම ගැටලුව තවදුරටත් ගැඹුරු කර ඇත.
X සමාජ මාධ්ය වේදිකාව විසින් නව ඇල්ගොරිතමය විවෘත කිරීමේ මෙහෙවර, පරිශීලක විශ්වාසය වැඩි දියුණු කිරීම සහ පද්ධති පැහැදිලිභාවය තහවුරු කිරීම සඳහා ගත් වැදගත් පියවරක් ලෙස සැලකේ. සෑම සති 4 කට වරක් නවතම යාවත්කාලීන කිරීම් සහ සංවර්ධක සටහන් නිකුත් කිරීම, තාක්ෂණික ප්රගතිය හා පරිශීලක අවශ්යතා අතර සම්බන්ධතාවය ශක්තිමත් කරනු ඇත. එහෙත්, යුරෝපා සංගමයේ පරීක්ෂණ සහ දඩ මත, X සමාගමට එරෙහි නීතිමය සහ නියාමන අභියෝග තවමත් පවතින අතර, එම අභියෝග ජාත්යන්තර මට්ටමින් සමාජ මාධ්ය නියාමනය පිළිබඳ විශාල සාකච්ඡා ඇති කරමින් තිබේ.
Comments (7)
Join the conversation — share what you think about this post.
Login to comment